Bu haqda AOKAda oʻtkazilgan brifingda Oʻzbekiston Badiiy akademiyasi bosh ilmiy kotibi Feruza Obidjonova maʼlum qildi.

Oʻtgan 2023-yilda “Xalqaro anʼanaviy Tasviriy va amaliy sanʼat festivali”, “Toshkent-2023” II xalqaro haykaltaroshlik simpoziumi hamda IV Toshkent xalqaro amaliy sanʼat biyennalesi oʻtkazildi.

“Xalqaro anʼanaviy Tasviriy va amaliy sanʼat festivali” doirasida ilk bor Xalqaro turkiy madaniyat tashkiloti — TURKSOY tashkilotiga aʼzo mamlakatlar rassomlarining xalqaro “Turk dunyosi rassomlarining uchrashuvi” ijodiy koʻrgazmasi boʻlib oʻtdi.

Shuningdek, ilk bora Oʻzbekiston Badiiy akademiyasi Badiiy ijodkorlar uyushmasi bilan hamkorlikda “Art Gallery” auksion uyi faoliyati yoʻlga qoʻyildi.

Hisobot davrida Oʻzbekiston Badiiy akademiyaning Boshqaruv kengashi saylov natijalariga koʻra 9 nafar haqiqiy aʼzolar tasdiqlandi.

Shu bilan birga Qozogʻistonning atoqli rassomi, “Qozogʻiston Respublikasi Badiiy akademiyasi” jamoat fondi prezidenti Amandos Akanayev Oʻzbekiston Badiiy akademiyasining faxriy xorijiy aʼzosi etib tayinlandi.