Navoiyda mahalla raisi saylovlari konchilardan boshlandi
Temur Eshboyev/“Xalq soʻzi”. 2025-yil 1-maydan boshlab yurtimizdagi 189 ta tuman va shaharning 193 ta mahallasida fuqarolar yigʻini raislari saylovi boshlandi.
Shu kuni Navoiy viloyati Zarafshon shahridagi Konchilar mahallasida ham navbatdagi saylov boʻlib oʻtdi. Unda uch nafar nomzod oʻz dasturlari bilan saylovchilar oldida chiqish qildi.
— Shahrimizda mustaqillikka qadar mahalla instituti umuman boʻlmagan, — deydi raislikka nomzod Dilnoza Suvonova. — Faoliyat koʻrsatgan kommunal xoʻjaliklar esa faqatgina turli toʻlovlarni yigʻish hamda aholining mazkur yoʻnalishlardagi muammolari bilan mashgʻul boʻlishgan. Oʻtgan davr ichida shahrimizda mahallalar faoliyatining yoʻlga qoʻyilishi aholining ishonchini qozonib, tom maʼnoda suyanchigʻiga aylandi, desam yanglishmayman.
Saylovda ishtirok etgan vakillar nomzodlarning dasturlarini muhokama qilib, oʻz fikr va takliflarini bildirdilar hamda munosib deb topgan nomzodga ovoz berdilar. Yakuniy natijalarga koʻra, Dilnoza Suvonova Konchilar mahallasi raisi etib saylandi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Roʻziqul Berdiyevning matbuot anjumanidagi fikrlari yuzasidan surishtiruv oʻtkaziladi
- Oʻzbekistonda Kasbiy taʼlim agentligi tashkil etiladi
- Tramp Koreya yarimorolidagi mojaroga yakun yasashga vaʼda berdi
- Oʻzbekistonning yangi trayektoriyasi: Asosiy xorijiy transferlar xaritasi
- AQSH Rossiyaga bosim oʻtkazishning muqobil usullarini oʻrganmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring