Namanganda uyida qimorxona tashkil qilgan shaxs ushlandi
Foto: Namangan IIB
Namangan viloyati Namangan tumanida yashash xonadonida 700 ming soʻm evaziga qimorxona tashkil qilgan shaxs aniqlandi. Bu haqda viloyat Ichki ishlar boshqarmasi xabar berdi.
Maʼlum qilinishicha, ushbu holat “Xavfsiz hudud — dolzarb 20 kunlik” keng qamrovli profilaktik tadbirlari doirasida oʻtkazilgan tezkor tadbirlar davomida aniqlangan.
Joriy yilning 20-sentyabr kuni Namangan tumanida oʻtkazilgan tadbirda “Qorakoʻl” mahallasida yashovchi fuqaro oʻzining yashash xonadonida 5 nafar fuqaroga oʻyin kartalari yordamida qimor va tavakkalchilikka asoslangan oʻyin oʻynashlari uchun sharoit yaratib bergan. U buning evaziga jami 700 ming soʻm moddiy manfaat koʻrgani aniqlangan.
Mazkur holat yuzasidan Namangan tumani IIB huzuridagi tergov boʻlimi tomonidan Jinoyat kodeksining 278-moddasi (Qimor va tavakkalchilikka asoslangan boshqa oʻyinlarni tashkil etish hamda oʻtkazish) bilan jinoyat ishi qoʻzgʻatilgan. Hozirda tergov harakatlari olib borilmoqda.
Tavsiya etamiz
Ko‘p o‘qilganlar
- Nega biz haligacha oʻzga sayyoraliklar bilan uchrashmaganmiz?
- Aholi va qishloq xoʻjaligini onlayn roʻyxatga olish boshlanishiga 3 kun qoldi
- 16-yanvar kuni baʼzi joylarda qor yogʻadi
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
- Koʻrfaz arab davlatlari bozoriga bojsiz kirish imkoni yaratiladi
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring