Foto: Akmal Muhammadov/“Xalq soʻzi”

Toshkent shahrida oʻtkazilayotgan Markaziy Osiyo mamlakatlari yetakchi ayollari muloqotining majlisi doirasida “Qaror qabul qilish jarayonida ayollarning ishtiroki: huquqlar, imkoniyatlar va masʼuliyat” mavzusidagi birinchi sessiya oʻz ishini boshladi.

​

​

Sessiyada Ozarbayjon, Qozogʻiston, Qirgʻiziston, Tojikiston, Turkmaniston va Oʻzbekiston parlament hamda jamoat arboblari, xalqaro tashkilotlar va fuqarolik jamiyati vakillari qatnashmoqda.

​

​

Mazkur sessiyada Senatining Yoshlar, xotin-qizlar, madaniyat va sport masalalari qoʻmitasi raisi O.Kozixonova moderatorlik qildi.

​

Sessiya doirasida ayollarning siyosiy va ijtimoiy qaror qabul qilish jarayonlaridagi ishtiroki, ularning mansab salohiyatini yuksaltirish, imkoniyatlarni kengaytirish hamda rahbarlik lavozimlarida masʼuliyatni kuchaytirish masalalari atroflicha muhokama etildi.

​

​

Tadbirni “BMT-ayollar” tashkilotining Markaziy Osiyo boʻyicha vakolatxonasi rahbari Cheren Gyuven Gyuresh oʻz maʼruzasi bilan ochib berdi.

​

U mintaqada ayollarning siyosiy hayotdagi ishtiroki ortib borayotganini qayd etdi, ammo keng koʻlamli islohotlar hali ham davom etishi zarurligini taʼkidladi.

​

​

Soʻzga chiqqanlar ayollarning parlament, ijro hokimiyati va mahalliy Kengashlardagi ulushini amaliy mexanizmlar orqali oshirish, gender kvotasi va muvozanatini taʼminlashning samarali vositalarini joriy etish masalalariga eʼtibor qaratildi. Bundan tashqari, xotin-qizlarning siyosiy ishtiroki uchun qonuniy kafolatlarni yanada mustahkamlash zarurligi hamda ayollarning siyosiy faolligini cheklayotgan madaniy, ijtimoiy va iqtisodiy omillarni bartaraf etishga ham urgʻu berildi.

​

​

Sessiya qatnashchilari ayollarning qaror qabul qilish jarayonidagi ishtiroki adolat va tenglikning oʻziga xos talabi boʻlish bilan birga, mamlakatlar barqaror taraqqiyotga erishishida asosiy omili ekanini taʼkidladi.

​

​

​

Muhokama yakunida ayollarning rahbarlik lavozimlariga tayyorlash, siyosiy taʼlim va liderlik dasturlarini kengaytirish, faol fuqarolik pozitsiyasiga ega qizlar va ayollar jamoalarini qoʻllab-quvvatlash boʻyicha qator takliflar ishlab chiqildi.

​