Energetika sohasida istiqbolli mutaxassislarni qoʻllab-quvvatlash va iqtidorli yoshlarni ragʻbatlantirish maqsadida “Issiqlik elektr stansiyalari” aksiyadorlik jamiyati tomonidan joriy etilgan stipendiya dasturining 2025–2026 oʻquv yili gʻoliblari aniqlandi.

Saralash jarayonlari natijasida Islom Karimov nomidagi Toshkent davlat texnika universiteti magistratura bosqichida tahsil olayotgan quyidagi talabalar stipendiyaga munosib deb topildi:

Shodmonov Diyorbek Umid oʻgʻli — “Sanoat issiqlik energetikasi” fakulteti;

Bekbosinova Eleonora Amankeldi qizi — “Elektr texnik majmualar va tizimlar” fakulteti;

Saimov Sardorbek Dilshod oʻgʻli — “Energetika (issiqlik energetikasi)” fakulteti.

Ushbu stipendiya yosh mutaxassislar uchun nafaqat moddiy ragʻbat, balki kasbiy rivojlanish va tajriba orttirishda muhim imkoniyatlar yaratadi.

Stipendiatlarga “Issiqlik elektr stansiyalari” AJ tomonidan maxsus sertifikatlar tantanali marosimda topshirildi.

Dastur yosh energetiklarning salohiyatini oshirish va sohada raqobatbardosh kadrlar yetishtirishga xizmat qiladi.