Foto: Yunus Bo‘riyev / “Xalq so‘zi”

Bugun poytaxtimizdagi "O‘zekspomarkaz" MKMda an’anaviy “INNOPROM. Markaziy Osiyo 2023” xalqaro sanoat ko‘rgazmasi o’z ishini yakunladi.. O‘zbekiston Respublikasi Investitsiyalar va tashqi savdo vazirligi hamda Rossiyaning Sanoat va savdo vazirligi tomonidan tashkil qilingan tadbirda turli mamlakatlarning kompaniya, kichik va o‘rta biznes vakillari o‘z mahsulotlari bilan ishtirok etdilar.

Xususan, ko‘rgazma va ishbilarmonlik dasturida O‘zbekiston, Rossiya, Belarus, Vengriya, Fransiya, Tojikiston, Armaniston, Qozog‘iston, Qirg‘izistondan yuzlab ishlab chiqarish korxonalari va biznes delegatsiyalari qatnashdi.

Mamlakatimiz iqtisodiyotining asosiy drayverlaridan biri qurilish materiallari sanoati vakillari ham xalqaro ko‘rgazmada jaxon standartlariga javob beruvchi, eksportbop mahsulotlarini namoyish qildi.

Mazkur “INNOPROM. Markaziy Osiyo” xalqaro ko‘rgazmasi Rossiya-O‘zbekiston hamkorligi va ikki tomonlama savdoni mustahkamlash va kengaytirish, Rossiyaning yuqori texnologiyali mahsulotlarini Markaziy Osiyo mamlakatlari bozoriga eksport qilishda muhim rol o‘ynaydi.

Xalqaro ko‘rgazma 24-26 aprel kunlari bo’lib o’tdi.

Foto: Yunus Bo‘riyev / “Xalq so‘zi”