Foto: Prezident matbuot xizmati

Oʻzbekiston Respublikasi Prezidentining tegishli farmon va qarorlari bilan IIV tizimida qator tayinlovlar amalga oshirildi.

Xususan, Qudratxoʻjayev Botir Bahromovich Oʻzbekiston Respublikasi ichki ishlar vazirining birinchi oʻrinbosari – Tezkor qidiruv departamenti boshligʻi lavozimiga tayinlandi va shu munosabat bilan Oʻzbekiston Respublikasi favqulodda vaziyatlar vaziri lavozimidan ozod etildi.

Shuningdek, Joʻrayev Rustam Mirzayevich Oʻzbekiston Respublikasi ichki ishlar vazirining birinchi oʻrinbosari – Jamoat xavfsizligi departamenti boshligʻi lavozimiga tayinlandi va shu munosabat bilan Oʻzbekiston Respublikasi Milliy gvardiyasi qoʻmondoni lavozimidan ozod etildi.

Bundan tashqari, Mirzayev Rustam Ravshanovich Oʻzbekiston Respublikasi ichki ishlar vazirining komplayens va korrupsiyaga qarshi ichki nazorat boʻyicha oʻrinbosari lavozimiga tayinlandi va shu munosabat bilan Oʻzbekiston Respublikasi Prezidenti Administratsiyasi Kommunikatsiyalar departamenti boshligʻi oʻrinbosari lavozimidan ozod etildi.

Sattorov Diyorbek Nematjonovich Oʻzbekiston Respublikasi ichki ishlar vazirining oʻrinbosari – Maʼnaviy-maʼrifiy ishlar va kadrlar bilan taʼminlash departamenti boshligʻi lavozimiga tayinlandi va shu munosabat bilan Oʻzbekiston Respublikasi Prezidenti Administratsiyasi Jamoat xavfsizligi va qonun ustuvorligi boʻyicha departamenti shoʻba mudiri lavozimidan ozod etildi.