Foto: Reuters

Yevropa mamlakatlari tibbiyot xodimlarining jiddiy tanqisligiga duch kelmoqda. Qitʼa mamlakatlarida tibbiyot sohasida ikki millionga yaqin ishchi yetishmaydi. Bu haqda “Politico” nashri xabar bermoqda.

Nashr Yevropada sogʻliqni saqlash tizimi qulashini bashorat qilgan. Shunday qilib, Gretsiyada favqulodda vaziyatlarga javob berish xizmatlari xodimlarning yetishmasligi tufayli favqulodda vaziyatlarga sust javob berish boʻyicha ogohlantirmoqda. 

Angliyada oʻn minglab hamshiralar yetishmayapti va bu borada rekord miqdordagi boʻsh ish oʻrinlari haqida xabar berilgan. Finlyandiyada yetishmaydigan kasblar roʻyxatida hamshiralik birinchi oʻrinda turibdi. Portugaliyadagi tugʻruqxonalar shifokorlar yetishmasligi sababli yopilgan. Fransiyada esa butun aholi punktlari shifokorlarsiz qolmoqda. Chunki ularda nafaqaga chiqqan shifokorlarning oʻrniga nomzodlar yoʻq.

“Shifokorlarning etishmasligi haqiqatan bor muammo. Tibbiyot endi odamlar umr boʻyi qolishi mumkin boʻlgan jozibali kasb emas, degan fikr bor. Va bu haqiqatan ham kelajakda sogʻliqni saqlash tizimlarining barqarorligini xavf ostiga qoʻyadi”, deydi Yevropa shifokorlari doimiy qoʻmitasi bosh kotibi, Yevropa boʻylab shifokorlar vakili Sarada Das.

Koʻplab yosh shifokorlar yuqori darajadagi charchash va boshqa ruhiy salomatlik muammolari tufayli oʻz ishlarini tark etishdi yoki ketishni oʻylashmoqda.

Masalan, joriy yilning aprel oyida Fransiya prezidenti Emmanuel Makronga hal etilmagan ijtimoiy muammolar roʻyxati berilgan. Unda Fransiya rahbari mamlakatda yashash narxi, shuningdek, sogʻliqni saqlash sohasidagi muammolarni hal qilishi nazarda tutilgan. Chunki mamlakatda tibbiyot xodimlarining ish haqining misli koʻrilmagan darajada oshirilishi ham shifokorlar yetishmasligi muammosini hal qilmagan.