Arxiv foto

Xalqaro olimlar guruhi turmush darajasi va sogʻligʻini saqlash darajasi yuqori boʻlgan mamlakatlarda odamlarning boʻyi va vazni oshib borganini va bu jarayon erkaklarda ayollarnikiga qaraganda taxminan ikki barobar tez sodir boʻlganini aniqladi. Ushbu tadqiqot ishi haqida batafsil maqola “Biology Letters” jurnalida chop etilgan.

Tadqiqotchilar 62 mamlakatdan 135 645 nafar odamning maʼlumotlarini, shuningdek, Buyuk Britaniyadan 1900-yilgacha boʻlgan tarixiy statistikani tahlil qilishdi. Maʼlum boʻlishicha, oʻtgan asrda erkaklarning boʻyi ayollarnikidan ikki barobarga oshgan.

Olimlar bu farqni atrof-muhit sharoitlariga nisbatan sezgir boʻlgan erkak tanasining xususiyatlari bilan bogʻlashadi. Turmush va sogʻliqni saqlash standartlari yuqori boʻlgan mamlakatlarda erkaklarning boʻyi va vazni ayollarnikiga qaraganda sezilarli darajada oshgan.

Tadqiqotchilarning taʼkidlashicha, erkaklar boʻyining oshishi aholining umumiy salomatligi va farovonligining koʻrsatkichi boʻlishi mumkin. Biroq turli mamlakatlarda hayot davomida odamlarning boʻyi va vaznidagi oʻzgarishlarni hisobga oladigan uzoq muddatli tadqiqotlar uchun aniqroq xulosalar kerak.