Bosh prokuratura tomonidan sohaning malakali mutaxassislari hamda professor-o‘qituvchilarini jalb etgan holda Surxondaryoda viloyatida Prezidentning “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi qaroriga asosan hududiy va tuman (shahar) shtablari a’zolari uchun "Yoqilg‘i-energetika sohasida davlat nazoratini takomillashtirish masalalari" mavzusida sayyor seminar mashg‘uloti tashkil etildi.

Seminarda sohaning malakali mutaxassislari hamda professor-o‘qituvchilar tomonidan viloyat va tuman (shahar) shtablari ishni to‘g‘ri tashkil etish, faoliyatini muvofiqlashtirib borish, energiya resurslarini iqtisod qilish, texnologiya yo‘qotishlarini kamaytirish, energiya resurslarini talon-taroj qilish holatlarini fosh etish va boshqa dolzarb mavzular yuzasidan o‘quv mashg‘ulotlari o‘tkazildi.

Mashg‘ulot yakunida barcha shtab a’zolaridan test sinovlari  olinib, bilim va ko‘nikmalari baholandi. 

Shu bilan birga, ishtirokchilarga yuqoridagi qarorga asosan energiya samaradorligini oshirish bo‘yicha tuman (shahar) idoralararo ishchi guruhlarining vazifalari, energiya balansini ishlab chiqish, ko‘rsatkichlarini bajarish, energiyani tejash dasturlari ijrosini ta’minlash, energiya samaradorligini oshirish borasidagi faoliyatni tashkil etish mexanizmlari tushuntirildi.