Buyuk Britaniya Kiyevga yangi harbiy yordam paketini eʼlon qildi
Arxiv surat
Buyuk Britaniya va uning ittifoqchilari Ukrainaga 150 million funt sterling (190,9 million dollar) qiymatidagi yangi harbiy yordam paketini joʻnatmoqda. Bu haqda «The Sun» gazetasi Buyuk Britaniya mudofaa vaziri Grant Shappsga tayanib xabar bermoqda.
«Ukrainaga havo va dengiz mudofaasini mustahkamlash uchun 150 million funt sterling miqdoridagi harbiy yordam paketi yuborilmoqda», — deyiladi xabarda.
Yordam paketi havo hujumidan mudofaa radarlari, simulyatsiya uskunalari va umumiy qiymati 70 million funt sterling boʻlgan elektron urush tizimlarini oʻz ichiga oladi. Bundan tashqari, unga 80 million funt sterlinglik kichik qayiqlar, razvedkachi dronlar va uchuvchisiz yer usti vositalari kiradi.
Qayd etilishicha, mablagʻlar Buyuk Britaniya va uning ittifoqchilari mart oyi holatiga koʻra qariyb 900 million funt sterling sarmoya kiritgan Ukrainaga yordam koʻrsatish xalqaro jamgʻarmasidan ajratiladi. Ushbu jamgʻarma Buyuk Britaniya, Litva, Daniya, Shvetsiya, Norvegiya va Niderlandiya kabi qator hamkorlarni birlashtirgan.
Tavsiya etamiz
Ko‘p o‘qilganlar
- Doʻstlik va hamkorlikni kengaytirgan forum (+fotoreportaj)
- Oʻzbekiston yoki Misr. Qaysi terma jamoa kuchli?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring