Foto: Yunus Bo‘riyev / “Xalq so‘zi”

Xabar berilganidek, ayni kunlarda Toshkent shahirda Ikkinchi O‘zbekiston-Belorus ayollari biznes-forumi bo‘lib o‘tmoqda.

Uning doirasida poytaxtimizdagi “Uz Expo Centre” milliy ko‘rgazmalar markazida “Made in Uzbekistan” milliy mahsulotlar ko‘rgazmasi ham tashkil etildi.

Mazkur milliy ko‘rgazmaga Oliy Majlis Senati Raisi Tanzila Narbayeva va Belarus Respublikasi Milliy majlisi Respublika Kengashi raisi Natalya Kochanova tashrif buyurdi.

Ko‘rgazmadan oziq-ovqat, to‘qimachilik, ipakchilik, yengil sanoat, tibbiyot, mashinasozlik, taʼlim va turizm sohalarida mahsulotlar ishlab chiqaruvchi mahalliy korxonalar mahsulotlari o‘rin oldi.

Unda O‘zbekistonning 50 dan korxonasi o‘z mahsulotlari bilan ishtirok etdi. Shu bilan birga mazkur ko‘rgazmada “Made in Belarus” brendi ostidagi mahsulotlar taqdimoti ham bo‘lib o‘tdi.

Ko‘rgazma doirasida oziq-ovqat sanoati, taʼlim va fan, turizm va dam olishni tashkil qilish yo‘nalishlarida ham taqdimotlar o‘tkazildi.

Ko‘rgazma ishtirokchilari tajriba almashish, yangi hamkorlar izlash va istiqbolli aloqalar o‘rnatish imkoniga ega bo‘ldilar.

Foto: Yunus Bo‘riyev / “Xalq so‘zi”