Muloqot majlisi doirasida tashkil etilgan ikkinchi sessiyada “Markaziy Osiyoda ayollar tadbirkorligi – iqtisodiy oʻsish va ijtimoiy barqarorlik manbai” mavzusida qator masalalar muhokama qilindi.

Jumladan, ayollar tadbirkorligini qoʻllab-quvvatlash, ularning iqtisodiy mustaqilligi va biznesdagi imkoniyatlarini kengaytirish, mintaqada tadbirkor ayollar oʻrtasida hamkorlik loyihalarini rivojlantirish masalalari atroflicha muhokama qilindi.

​

​

Taʼkidlanganidek, ayollar tadbirkorligi nafaqat kichik va oʻrta biznesni rivojlantiradi, balki ish oʻrinlari yaratish, kambagʻallikni qisqartirish, mahalliy iqtisodiyot barqarorligini mustahkamlashda ham muhim oʻrin tutadi.

​

​

Shuningdek, maʼruzalarda ayollar tadbirkorligini rivojlantirish uchun qonuniy va institutsional mexanizmlarni mustahkamlash, moliyaviy resurslarga yetishishdagi toʻsiqlarni kamaytirish, biznesni raqamli iqtisodiyot va eksport bozorlariga integratsiya qilish, mintaqaviy qoʻshma startaplar va innovatsion loyihalarni qoʻllab-quvvatlash, shuningdek, tadbirkorlik faoliyatini yuritishda gender stereotiplar va ijtimoiy toʻsiqlarni bartaraf etish masalalariga alohida eʼtibor qaratildi.

​

​

Sessiya yakunida ayollar tadbirkorligi uchun qoʻshimcha imkoniyatlar yaratish, oʻquv dasturlari, biznes-kouching, grantlar, eksport qoʻllab-quvvatlovi kabi amaliy chora-tadbirlarni kuchaytirish boʻyicha qator amaliy takliflar ishlab chiqildi.