Ijaraning eng kam yangi miqdorlari 2025-yil uchun davlat byudjet toʻgʻrisidagi qonun bilan belgilandi.

Mazkur stavkalar jismoniy va yuridik shaxslarning mol-mulkini ijaraga berishdan olinadigan daromadlariga soliq solish maqsadida qoʻllaniladi.

Shu bilan birga, ular koʻchmas mulkdan tekin foydalanish shartnomalariga tatbiq etiladi. Bundan yaqin qarindoshlar oʻrtasidagi tuzilgan shartnomalar mustasno.

Ijaraga beriladigan mol-mulk turlari va stavkalar

1. Binolar

Turarjoy (ijara stavkasi umumiy maydonning 1 kv. metri uchun):

Toshkent: 28 000 soʻm (+12%)

Nukus, viloyat markazlari: 13 500 soʻm (+12,5%)

Boshqa aholi punktlari: 5 500 soʻm (+10%)

Noturarjoy (ijara stavkasi umumiy maydonning 1 kv. metri uchun):

Toshkent: 45 000 soʻm (+12,5%)

Nukus, viloyat markazlari: 26 500 soʻm (+12,7%)

Boshqa aholi punktlari: 11 000 soʻm (+10%)

2. Avtomobil transporti uchun ijara stavkalari

Yengil avtomobillar

(Yoʻlovchilar va bagaj tashishga moʻljallangan, haydovchi oʻrnini hisoblamaganda, oʻrindiqlari soni 8 tadan koʻp boʻlmagan avtotransport vositalari):

1 ta avtotransport vositasi uchun: 858 000 soʻm

Mikroavtobuslar, avtobuslar va yuk avtomobillari

1 ta avtotransport vositasi uchun: 1 705 000 soʻm