Зеленский: Кўринадики, Россия ўт очишни тўхтатишга кўпроқ мойил бўлиб қолди
Фото: Nina Liashonok/Reuters
Украина президенти Владимир Зеленский АҚШ президенти Дональд Трамп ва бир қатор Европа етакчилари билан суҳбатдан сўнг Россия томонидан ўт очишни тўхтатишга мойиллик кузатилаётганини маълум қилди.
— Биз Москвада янграган баёнотларни муҳокама қилдик. Кўринадики, Россия ҳозир ўт очишни тўхтатишга кўпроқ мойил. Уларга бўлган босим иш бермоқда. Аммо энг муҳими, улар биз ва АҚШни майда тафсилотларда алдаб қўймаслиги керак, — деди Зеленский.
Аввалроқ Россия президенти Владимир Путин Москвада АҚШ президентининг махсус вакили Стив Уиткофф билан учрашганди. Учрашув деярли уч соат давом этди. Дональд Трамп бу мулоқотни «самарали» деб баҳолади ва «сезиларли силжиш» қайд этилганини айтди.
Маълумот учун, Уиткоффнинг ташрифи Трамп томонидан Россияга қўйилган ультиматум муддати тугашидан олдин амалга ошди. АҚШ раҳбари Путиндан 8 августгача уруш ҳаракатларини тўлиқ тўхтатишни талаб қилмоқда. Агар бу талаб бажарилмаса, Трамп Россияга нисбатан иккинчи даражали санкциялар жорий этиш билан таҳдид қилмоқда.
Тавсия этамиз
Кўп ўқилганлар
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- “Матонатли Марям” фильми кенг жамоатчиликка тақдим этилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг