Ғарб етакчилари ҲАМАС раҳбари Яҳё Синвар ўлдирилиши ортидан Ғазодаги бир йиллик урушнинг тугашига умид билдирган бўлса-да, Исроил Бош вазири Бинямин Нетаняҳу уруш Синварнинг ўлими билан тугамаслигини эълон қилди.

"Бугун ёвузликка қарши оғир зарба берилди. Aммо олдимизда турган вазифа ҳали тугалланмаган", деди Нетаняҳу пайшанба куни ёзиб олинган мурожаатида.

Исроил ҳарбий бошлиғи унинг қўшинлари 7 октябрдаги қирғинга алоқадор барча террорчиларни қўлга олиб, гаровга олинганларни уйларига қайтармагунича уруш давом этишини айтди.

Исроилнинг энг муҳим сиёсий ёрдамчиси ва қурол етказиб берувчиси бўлган Америка Қўшма Штатлари президенти Жо Байденнинг айтишича, Фаластин раҳбарининг ўлими Ғазода фаластинликлар учун яхши келажакни таъминловчи сиёсий келишув учун имконият яратади. Президентлик учун курашаётган вице-президент Камала Ҳаррис ҳам сайловолди тарғиботида Ғазодаги урушни тугатиш учун имконият яратилганини қўшимча қилган.

АҚШ Давлат котиби Энтони Блинкен Саудия Арабистони ва Қатардаги ҳамкасблари билан Синварнинг ўлими ва можарога барҳам бериш ҳамда гаровга олинганларни озод қилиш ҳаракатлари ҳақида алоҳида телефон орқали суҳбатлашган.

“Исроил хавфсиз бўлиши, гаровга олинганлар озод этилиши, Ғазодаги азоб-уқубатлар барҳам топиши ва Фаластин халқи ўз қадр-қиммати, хавфсизлиги, эркинлиги ва ўз тақдирини ўзи белгилаш ҳуқуқини амалга ошириши учун уруш шу билан якунланиши керак”, деган Ҳаррис.

Франция президенти Эммануэл Макрон Синварнинг ўлимини "бурилиш нуқтаси" деб таърифлаган.

“Биз барча гаровга олинганларни озод қилиш ва ниҳоят урушга чек қўйиш учун бу имкониятдан фойдаланишимиз керак”, деди Макрон журналистларга.

Италия ташқи ишлар вазири Антонио Тажани ҳам ҲАМАС етакчисининг иддаоси ўт очишни тўхтатишга олиб келишига умид билдирди.

Нетаняху ўз мурожаатида уруш тугамагани ҳақида огоҳлантирган бўлса-да, у Синварнинг ўлдирилиши можаронинг тезроқ тугашига олиб келиши мумкинлигидан огоҳлантирган.

"Агар ҲАМАС қуролларини ташлаб, гаровга олинганларни қайтариб берса, бу уруш тугаши мумкин", деган Нетаняҳу.