Фото: Ҳасан Пайдоев / «Халқ сўзи»

Бу йил улуғ сўз санъаткори, мутафаккир шоир Aлишер Навоий таваллудининг 579 йиллигини кенг нишонлаймиз. Мутафаккир шоир таваллудини юртимиз бўйлаб катта тантана билан нишонлаш эзгу анъанага айланган. Шу муносабат билан бугун пойтахтимизда қад ростлаган Навоий ҳайкаллари пойига гул қўйиш маросимлари бўлиб ўтди. 

Аввало Алишер Навоий номидаги ўзбек тили ва адабиёти университети ҳовлисида жойлашган улуғ шоир ҳайкали пойида асосий расмий тадбир ўтказилди. Унда давлат ва жамоат арбоблари, дипломатик корпус вакиллари, шоир ва ёзувчилар, адабиётшунослар, Афғонистон ва Озарбайжондан келган бир гуруҳ олим ва тадқиқотчилар, талаба ва ўқувчи ёшлар ҳамда ижодий ташкилотлар вакиллари иштирок этди.

Тадбирни Ўзбекистон ёзувчилар уюшмаси раиси Сирожиддин Саййид очиб берди. Анжуманда сўз олганлар Навоий абадияти, турли мамлакатлар ижтимоий-сиёсий, адабий муҳитида қолдирган ўчмас изи, бетакрор ғазаллари хусусида cўз юритдилар. Шунингдек, Навоий ғазалларидан қилинган таржималар, улуғ шоир ҳақидаги олимлар фикр-мулоҳазалари айтиб ўтилди.

xs.uz online расмий веб сайтини кузатиб боринг. Тез орада тантанали адабий-маърифий тадбирдан видео репортаж тақдим этамиз.

Юлдуз Ўрмонова,

“Халқ сўзи”.