Тошкентда 3 минг қутидан ортиқ ноқонуний тамаки маҳсулотлари савдосининг олди олинди
Тошкент шаҳрида 3 минг қутидан ортиқ акциз маркасиз тамаки маҳсулотларининг савдоси фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар қилди.
Қайд этилишича, Департаментнинг Олмазор тумани бўлими ва ИИББ ходимлари ҳамкорлигида ўтказилган тезкор тадбирда «Р.» МЧЖ раҳбари Ғ.Ж. «Жийдали» МФЙ ҳудудидаги савдо дўконида 25 турдаги 3 407 қути акциз маркасиз ва 293 қути электрон тамаки маҳсулотларини сотувга қўйганлиги аниқланиб, ушбу маҳсулотлар ашёвий далил сифатида олинган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.
Аввалроқ Қашқадарё вилояти Косон туманида катта миқдорда яроқсиз алкоголь маҳсулотлари савдосининг олди олингани ҳақида хабар қилгандик.
Тавсия этамиз
Кўп ўқилганлар
- 21 октябрь – Ўзбек тили байрами куни
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
- Ўзбекистоннинг янги траекторияси: Асосий хорижий трансферлар харитаси
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг