Таниқли бастакор Дилором Омонуллаева 66 ёшида вафот этди
Фото: Маданият вазирлиги
Ўзбекистонда хизмат кўрсатган маданият ходими, Ўзбекистон санъат арбоби, таниқли композитор ҳамда профессор Дилором Омонуллаева 66 ёшида вафот этди. Бу ҳақда Маданият вазирлиги ахборот хизмати хабар берди.
Дилором Омонуллаева 1959 йил 1 октябрда Тошкентда мусиқачилар оиласида туғилган. У 1990-1993 йилларда консерваторияда «Бастакорлик ва чолғулаштириш кафедраси»да ўқитувчи бўлиб ишлаган.
Омонуллаева ижодий фаолияти давомида 300 дан ортиқ мусиқий асарлар яратган. Унинг қўшиқлари Кумуш Раззоқова, Козим Қаюмов, Мавлуда Ойнақулова, Аъло Раҳимова, Раъно Бўронова каби машҳур санъаткорлар томонидан маромига етказиб ижро этилган.
Кўп йиллар давомида санъатнинг эстрада ва композиторлик соҳасида фаолият юритган ва ушбу санъатни ривожлантиришда фидокорона хизмат қилган Омонуллаева «Дўстлик» ордени, «Офарин» мукофоти, шунингдек, «Маданият ва санъат фидокори» ҳамда I даражали «Меҳнат фахрийси» кўкрак нишонлари билан тақдирланган.
«Халқ сўзи» ва «Народное слово» газеталари таҳририяти марҳуманинг оила аъзолари ва яқинларига чуқур ҳамдардлик билдиради.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг