Фото: Юнус Бўриев, Давронбек Эрназаров / «Халқ сўзи»

Жорий йилнинг 21 апрелидан 23 майгача «Таълим ва касб — 2025» номли XXVII халқаро кўргазма мамлакатимизнинг 12 та ҳудудида бўлиб ўтади. Мазкур кўргазмада дунёнинг 100 дан ортиқ нуфузли университетлари ўзларининг кенг қамровли таълим хизматларини намойиш этади.

Кўргазмага ташриф буюрганлар қуйидаги имкониятларга эга бўладилар:

— етакчи олий таълим муассасалари ва уларнинг дастурлари билан яқиндан танишиш;

— ўқишга қабул жараёни, таълим дастурлари, ётоқхона шароитлари ва талабалар ҳаёти ҳақида батафсил маълумот олиш;

— университет вакиллари билан бевосита мулоқотда бўлиб, ўқишга кириш тартиблари юзасидан маслаҳат олиш;

— бепул таълим олиш ёки грант дастурларида иштирок этиш шартлари билан танишиш;

— ўзларини қизиқтирган йўналишдаги олий ўқув юртини танлаш имкониятига эга бўладилар.

Кўргазма Ёшлар ишлари агентлиги, Мактабгача ва мактаб таълими вазирлиги ҳамда My Fair компанияси ҳамкорлигида, битирувчи ёшларнинг касб-ҳунар эгаллашига кўмаклашиш мақсадида ташкил этилмоқда.

Кўргазмага кириш бепул.

Фото: Юнус Бўриев, Давронбек Эрназаров / «Халқ сўзи»