Таълим соҳасида халқаро ҳамкорлик
Сурхондарё вилоятида олий таълим соҳасида халқаро ҳамкорлик янги, юқори даражага кўтарилмоқда. Термиз давлат муҳандислик ва агротехнологиялар университети ректори, профессор Расул Тўраев Россиянинг Новосибирск шаҳридаги нуфузли олий таълим муассасалари ва Беларусь Республикасининг Витебск давлат технология университети билан ҳамкорлик шартномаларини имзолагани ҳам шундан далолат беради.
Ушбу шартномалар доирасида қўшма таълим дастурлари, икки дипломли таълим йўналишлари, стажировкалар, малака ошириш ва илмий-тажриба алмашув лойиҳалари амалга оширилади.
— Мазкур ҳамкорлик ёш авлоднинг хорижий тажрибага эга бўлиши, илм-фан соҳасида ўз изланишларини ривожлантириши ва касбий салоҳиятини оширишда муҳим роль ўйнайди. Бу эса Сурхондарё вилоятида таълим ва илм-фан соҳасининг халқаро миқёсда ривожланишига янги имкониятлар эшигини очади, — дейди Расул Тўраев.
Фарҳод ЭСОНОВ
«Халқ сўзи».
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- 16 январь куни баъзи жойларда қор ёғади
- Кўрфаз араб давлатлари бозорига божсиз кириш имкони яратилади
- Рақамли Ўзбeкистон учун кибeр-ҳуқуқшунослар: Прeзидeнт Фармони юридик таълимнинг янги даврини очади
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг