Жорий йилнинг 2 декабрь куни Муҳаммад ал-Хоразмий номидаги Тошкент ахборот технологиялари университетининг Фарғона филиалида Олий Мажлис Сенатининг Ёшлар, хотин-қизлар, маданият ва спорт масалалари қўмитаси раиси О.Козихонованинг ёшлар билан очиқ мулоқоти ташкил этилди.

Тадбирда ёшларга оид давлат сиёсатига оид амалга оширилаётган ишлар ва уларнинг аҳамиятига эътибор қаратилди.

Шунингдек, сенатор ёшлар манфаатларини ҳимоя қилиш, уларни қўллаб-қувватлаш, ҳар бир йигит-қизнинг билим олиши, касб-ҳунар эгаллаши, ўз салоҳиятини тўла намоён этиши учун зарур шарт-шароитлар яратиш – давлатимиз сиёсатининг устувор йўналишларидан бири эканлиги таъкидлади.

Ёшларни тадбиркорликка жалб этиш, уларнинг ташаббусларини рағбатлантириш, инновацион лойиҳаларини амалга ошириш учун молиявий ва ташкилий кўмак кўрсатиш механизмлари ҳақида ҳам сўз юритилди.

Сенатор томонидан ёшларга юртимиздаги тинчлик ва осойишталикнинг қадрига етиш, ислоҳотлар жараёнида ташаббускор ва фаол, энг муҳими кузатувчи эмас, иштирокчи бўлиш борасида тавсиялар берилди.

Тадбир давомида ёшлар ўзларининг таклифларини билдирди ва ўзларини қизиқтирган саволларига жавоблар олди.