Самарқанд халқаро аэропорти Европа рейтингида юқори ўринни эгаллади
Самарқанд халқаро аэропорти нуфузли «ACI Europe» рейтингида йилига 1 миллиондан 10 миллионгача йўловчи ташишга мўлжалланган аэропортлар орасида 2-ўринни эгаллади. Бу ҳақда «Air Marakanda» авиакомпанияси хабар берди.
Европа аэропортлари халқаро кенгаши маълумотларига кўра, жорий йил Самарқанд аэропортида йўловчилар оқимининг кескин ортиши кузатилган. Бу кўрсатгич 2019 йилга нисбатан 186 фоизга, 2023 йилга нисбатан эса 37 фоизга ортган.
Жумладан, 2024 йилда аэропорт 1,38 миллиондан ортиқ йўловчига хизмат кўрсатиб, ўз фаолияти тарихидаги энг юқори натижани қайд этган.
Маълумот учун, айни пайтда Самарқанд халқаро аэропортининг замонавий терминалини «Air Marakanda» авиакомпанияси бошқаради. У 17 та компания билан ҳамкорлик қилиб, бугунги кунда 18 та йўналиш бўйича 16 та халқаро, 2 та ички авиақатновларни амалга ошириб келмоқда.
Тавсия этамиз
Кўп ўқилганлар
- Комилжонов Мухаммадсолиҳ Собиржон ўғлининг “Сaломaтлик лaндшaфтлaрини тaшкил этиш тaмойиллaрини ишлaб чиқиш” мавзусидаги (архитектура фанлари бўйича) фалсафа доктори (PhD) диссертациясининг ҳимояси эълони
- Украинада журналистларни олиб кетаётган автомобиль дронлар ҳужумига учради
- Россия янги урушга тайёргарлик кўрмоқда — Германия мудофаа вазири
- Теҳронда вазият жиддий: пойтахт аҳолиси эвакуация қилиниши мумкин
- Наманган – янгиланиш ва гўзаллик шаҳри
- Ўзбекистон ёки Миср. Қайси терма жамоа кучли?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг