Рубио: АҚШ Ғазо устидан назоратни фаластинликларга топширишни режалаштирмоқда
АҚШ Ғазо секторида ҳокимиятни босқичма-босқич Фаластин фуқаролик тузилмаларига топширишни мақсад қилган. Бу ҳақда АҚШ давлат котиби Марко Рубио маълум қилди, деб ёзади ТАСС.
— Биз охир-оқибат Ғазода Фаластин фуқаролик ҳокимиятининг шаклланишини кўришни истаймиз. Айнан шунга интиляпмиз. Ғазода фаластинлик полициянинг фаолият юритишини ҳам кўришни хоҳлаймиз, — деди Рубио.
Давлат котибининг таъкидлашича, Ғазода ҳокимиятни фаластинликларга босқичма-босқич топширишнинг ўзгармас шарти — ҲАМАС ҳаракатининг таъсирини бутунлай йўқотиш ҳисобланади.
Рубионинг сўзларига кўра, келажакда шакллантириладиган Фаластин полиция кучлари бошқа мамлакат мутахассислари томонидан тайёрланади ва ўқитилади.
— Албатта, бу жараён вақт талаб этади. Чунки полицияга одамларни шунчаки ишга олиш мумкин эмас — уларни текшириш, тайёрлаш, зарур инфратузилмани яратиш лозим. Бу ишга атиги етти-саккиз кун бўлди, ҳали олдинда жуда кўп ишлар турибди. Аммо биз бу жараённи охиригача етказишга қатъий бел боғлаганмиз, — деди Марко Рубио.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Имтиёзли шартларда пенсияга чиқиш ҳуқуқини берувчи рўйхатни тузиш тартиби белгиланди
- Ўзбекистонда наркожиноятлар сони 5 йилда 103 фоизга ошди
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ҳар бир ҳудудда “Касаба уюшмалари боғлари” ташкил этилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг