Роналдунинг жамоаси Саудия Арабистони Суперкубоги финалига чиқди
Бугун Гонконгда Саудия Арабистони Суперкубоги мусобақаси ўйинлари бошланди. Таъкидлаш керакки, ташкилотчилар бу гал мусобақани Испаниядаги анъанадан андоза олган ҳолда 4 та жамоа билан ўтказмоқда.
Бугун турнирни мамлакатнинг амалдаги чемпиони «Ал-Иттиҳод» ва якунланган мавсумда бронза медалига эга чиққан «Ал-Наср» жамоалари бошлаб берди.
Қизиқарли кечган ўйин Роналду бошчилигидаги жамоанинг 2:1 ҳисобидаги ғалабаси билан якунланди.
Голларга «Ал-Наср»дан Садио Мане ва жамоага янги келиб қўшилган Жоау Феликс муаллифлик қилди. «Ал-Иттиҳод»нинг жавоб голи Стивен Бергвейн ҳисобига ёзилди.
Шу тариқа ёзги трансферлар ойнасида 57 миллион евро сарфлаган «Ал-Наср» жамоаси Саудия Арабистони Суперкубогининг финалига йўл олди. Энди жамоа мусобақанинг бош соврини учун «Ал-Ҳилол» ва «Ал-Қадсия» ўйини ғолибига қарши ўйнайди. Мазкур баҳс 23-август куни ўтказилади.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг