Фото: Юнус Бўриев / “Халқ сўзи”

Тошкентда қиличбозлик бўйича аёллар ўртасида Жаҳон кубогининг навбатдаги босқичи бошланди. Жаҳон рейтинги учун қимматли очколар тақдим қиладиган мусобақада Италия, Франсия, Жанубий Корея, Греция, Озарбайжон, АҚШ, Германия, Венгрия каби дунёнинг 20 давлатидан 158 нафар спортчи иштирок этмоқда.

Баҳсларда Зайнаб Дайибекова, Паола Плиего етакчилигидаги терма жамоамизнинг 19 нафар вакили қатнашяпти. Регламентга кўра, бугун дастлаб гуруҳ босқичи, сўнг 1/128 ва 1/64 финал доирасидаги жанглар ўтказилади.

Дайибекова ҳамда Эррера медаллар учун курашни давом эттиради.

Пойтахтимизда бошланган қиличбозлик бўйича Жаҳон кубогида биринчи кун беллашувлари якунланди. Маълум қилганимиздек, унда гуруҳ босқичи ва дастлабки икки саралаш босқичи баҳслари ўтказилди.

Мусобақада 19 нафар спортчимиз стартга чиққан бўлса, улардан фақатгина Зайнаб Дайибекова ҳамда Фернанда Эррера медаллар учун курашни давом эттирадиган бўлишди. Эртага Эррера туркиялик Ирина Шукла, Зайнаб Дайибекова эса украиналик Алина Комашчукка қарши жанг қилади.

Фото: Юнус Бўриев / “Халқ сўзи”