Қашқадарёда қор бўронида қолиб кетган 10 киши қутқарилди
Фото: ФВВ
Қашқадарё вилояти Деҳқонобод туманида қор бўронида қолиб кетган фуқаролар қутқарилди. Бу ҳақда Фавқулодда вазиятлар вазирлиги ахборот хизмати хабар берди.
Маълум қилинишича, кеча, 23 январь куни соат 18:00 да Қашқадарё вилояти ФВБга Деҳқонобод тумани «Мустақиллик» МФЙ ҳудудидан ўтган автомобиль йўлида кучли шамол бўлиши натижасида кузатилган қор бўронида бир нечта автомобилнинг ҳаракатлари чекланиб, фуқаролар йўлда қолиб кетгани ва уларга амалий ёрдам зарурлиги тўғрисида мурожаат келиб тушган.
Хабарга асосан, махсус йўл танламас автомобилида ФВВ қутқарувчилари айтилган манзилга етиб бориб, қийин аҳволга тушиб қолган 10 нафар фуқарони хавфсиз ҳудудга олиб чиққан.
«Ўзгидромет» агентлигининг маълум қилишича, бугун, 24 январь куни кундуз куни Бухоро, Навоий, Тошкент, Самарқанд, Жиззах, Сирдарё, Қашқадарё вилоятларида баъзи жойларда шамол тезлиги 15-20 м/с гача кучаяди, айрим жойларда 22-25 м/с гача кучайиши мумкин. Шу муносабат билан сафар режасини тузаётган фуқаролар аввало эҳтиёткорлик чораларини кўриб олиши зарар қилмайди.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- 16 январь куни баъзи жойларда қор ёғади
- Кўрфаз араб давлатлари бозорига божсиз кириш имкони яратилади
- Рақамли Ўзбeкистон учун кибeр-ҳуқуқшунослар: Прeзидeнт Фармони юридик таълимнинг янги даврини очади
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг