Миллий статистика қўмитаси маълумотларига кўра, 2025 йил 1 март ҳолатига Республикада хорижий капитал иштирокида фаолият юритаётган корхоналар сони 15 минг 503 тага етди. Бу кўрсаткич ўтган йилнинг шу даврига нисбатан 1234 тага ошганини кўрсатади.

Ҳудудлар кесимида энг кўп хорижий капитал иштирокида фаолият юритаётган корхоналар Тошкент шаҳрида жойлашган бўлиб, уларнинг сони 10 минг 27 тани ташкил этмоқда. Бу эса мамлакат бўйича умумий кўрсаткичнинг ярмидан кўпроғини ташкил қилади.

Тошкент вилояти 1859 та хорижий корхона билан иккинчи ўринда бормоқда. Кейинги ўринларда эса Самарқанд вилояти (591 та), Сурхондарё вилояти (533 та) ва Фарғона вилояти (484 та) жойлашган.

Хорижий капитал иштирокидаги корхоналар сони энг кам ҳудудлар қаторида Қашқадарё (148 та) ва Хоразм (147 та) вилоятлари ҳамда Қорақалпоғистон Республикаси (160 та) қайд этилган. Бу ҳудудларда хорижий инвестицияларни жалб қилиш ҳамда бизнес муҳитини яхшилаш бўйича қўшимча чора-тадбирлар кўрилиши мумкин.

Умуман олганда, Ўзбекистонда хорижий капитал иштирокидаги корхоналар сонининг ортиб бориши мамлакатнинг инвестициявий жозибадорлигини ошириб, иқтисодиётнинг ривожланишига ижобий таъсир кўрсатиши кутилмоқда.