Ўзбекистонда бир ой ичида 96 миллиард сўмдан ортиқ газ ва электр ўғирланди

Фото: Ўзэнергоинспекция

2025 йил июль ойида Ўзбекистонда 279 та ноқонуний энергия фойдаланиш ҳолати аниқланди. Бу ҳақда «Ўзэнергоинспекция» матбуот хизмати хабар берди.

Маълумотларга кўра, бир ой давомида:

— 12,6 млн куб метр табиий газ ноқонуний сарфланган (зарари – 41,1 млрд сўм),

— 27,1 млн кВт·соат электр энергияси талон-торож қилинган (зарари – 54,9 млрд сўм).

Умумий моддий зарар 96 миллиард 85 миллион сўмни ташкил қилган.

«Энергия ресурсларидан фойдаланиш қоидаларини бузганлик учун жами 485 та маъмурий иш қўзғатилди», — дейилади расмий хабарда.

Барча қонунбузарларга нисбатан белгиланган чоралар кўрилган бўлиб, ҳужжатлар ҳуқуқни муҳофаза қилувчи органларга тақдим этилган.