2026 йил 1 февралдан бошлаб «Шарқ», «Насаф» ва «Ўзбекистон» йўловчи поездлари ҳамда юқори тезликда ҳаракатланувчи «Афросиёб» электропоездлари чипта нархлари 15 фоизга оширилади. Бу ҳақда «Ўзбекистон темир йўллари» акциядорлик жамияти хабар берди.

Маълум қилинишича, нархлар юқори тезликда ҳаракатланувчи электропоездларга техник хизмат кўрсатиш ва эҳтиёт қисмлар харажатлари ошгани, электр энергияси ва эксплуатация харажатларининг кўпайгани, ҳаракат хавфсизлигини тўлиқ таъминлаш ҳамда халқаро стандартлар даражасида хизмат кўрсатишни давом эттириш зарурати, электропоездлар инфратузилмасини сақлаш ва доимий модернизация қилиш ишлари ҳамда йўловчиларга сифатли хизмат кўрсатиш мақсадида оширилмоқда.

Унга кўра, жорий йилнинг 1 февралидан «Афросиёб» электропоездлари учун янгиланган чипта нархлари қуйидагича бўлади:

Тошкент — Бухоро

VIP — 1 138 000 сўм

Бизнес — 760 000 сўм

Эконом — 509 000 сўм

Тошкент — Қарши

VIP — 976 000 сўм

Бизнес — 642 000 сўм

Эконом — 429 000 сўм

Тошкент — Самарқанд

VIP — 709 000 сўм

Бизнес — 455 000 сўм

Эконом — 311 000 сўм этиб белгиланди.

Шу билан бирга, «Шарқ», «Насаф» ва «Ўзбекистон» йўловчи поездлари чипта нархлари ҳам 15 фоизга оширилди.