Иллюстратив фото

Бразилиянинг Сан-Паулу ва Рио Гранде-ду-Сул федерал университетларининг олимлари бергамот барглари экстракти метаболик мувозанатни тиклаши ва семиришда жигарни ҳимоя қилиши мумкинлигини аниқладилар. Тадқиқот ҳақида батафсил мақола “Food Research International” журналида чоп этилди.

Экспериментда семириб кетган лаборатория каламушларига бир неча ҳафта давомида бергамот (Citrus bergamia) барглари экстракти берилди. Тадқиқот охирида ҳайвонлар липид метаболизмининг яхшиланганини қайд этилди: умумий холестерин ва триглицеридлар даражаси пасайди, “яхши” HDL холестерин концентрацияси эса ошди. Бундан ташқари, кемирувчилар вазни ва умумий ёғ массасини йўқотдилар.

Биокимёвий таҳлил шуни кўрсатдики, бергамот аниқ антиоксидант ва яллиғланишга қарши таъсирга эга. Мураккаб жигар ҳужайраларида реактив кислород турлари ва яллиғланиш даражасини пасайтиради. Бу таъсирлар семиришнинг асосий асоратларидан бири бўлган жигарни ёғ босишининг ривожланишига тўсқинлик қилади.

Муаллифларнинг таъкидлашича, бергамот барглари экстракти метаболик касалликларнинг олдини олиш учун истиқболли табиий восита бўлиши мумкин.

“Кейинги қадам одамларда клиник синовларни ўтказиш. Бу оптимал меъёрларни аниқлашга ёрдам беради ва узоқ муддатли фойдаланиш пайтида модданинг хавфсизлигини тасдиқлайди”, — дейди мутахассислар.