Барча севиб кутадиган Янги йил байрами тароватини тарқатиш, аҳолига айём шукуҳи ва юқори кайфиятни улашиш мақсадида Нукус гарнизони ҳарбий хизматчилари И.В.Савиский номидаги Қорақалпоғистон давлат санъат музейи ҳудудида ўрнатилган Янги йилнинг бош арчаси олдида байрамона концерт дастурини намойиш этди.

Шоду хуррам кайфиятда сайр қилиб юрган юртдошларимиз Янги йил байрамининг бош қаҳрамони – Қорбобо кийимида майдонга чиққан Нукус гарнизони ҳарбий оркестри томонидан ижро этилган куй ва қўшиқлардан баҳра олган бўлса, муддатли ҳарбий хизматчиларнинг жанговар элементлардан иборат бўлган кўл жанги бўйича кўргазмали чиқишларини завқ билан томоша қилишди.

Қувончи ичига сиғмаган иштирокчилар жараёнларни қўл телефони орқали видеотасвирга олишга ошиқди.

Ҳарбий хизматчилар томонидан байрам томошалари шаҳар бўйлаб яна давом этади.

                                                                                                      Шимоли-ғарбий ҳарбий округ

                                                                                                       матбуот хизмати