«Менимча, вақт келди». Трамп Украинада президентлик сайловларини ўтказишга чақирди
АҚШ президенти Дональд Трампнинг айтишича, Украинада президентлик сайловларини ўтказиш вақти етган. Бу ҳақда у Politico нашрига берган интервьюсида маълум қилган.
«Менимча, вақт келди. Ўйлайманки, ҳозир сайлов ўтказиш учун ниҳоятда муҳим палладир. Улар урушни сайлов ўтказмаслик учун баҳона қилмоқда, аммо, назаримда, украин халқининг ўз танловига эга бўлиши керак. Балки Зеленский ғолиб ҳам бўлар», — деди АҚШ раҳбари мазкур саволга жавобан.
Трамп қўшимча қилиб, Украинада «анчадан бери президентлик сайловлари бўлмагани»ни таъкидлади.
«Биласизми, улар демократия ҳақида гапиради, аммо ишнинг бориши шундай даражага етдики, бу энди демократияга ўхшамай қолмоқда», — деди у.
Украина қонунчилигига кўра, ҳарбий ҳолат амал қилаётган даврда сайловлар, жумладан президентлик ва парламент сайловлари ҳам вақтинча тўхтатилади. Мамлакатда ҳарбий ҳолат 2022 йил февралидан бери давом этмоқда.
Шуни ҳам қайд этиш керакки, жорий йилнинг февраль ойида ҳам Дональд Трамп Украинада президентлик сайловларини ўтказишга чақирган эди.
Тавсия этамиз
Кўп ўқилганлар
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
- Президент Ўзбекистон божхона соҳаси ходимларига табрик йўллади
- Тошкентда Осиё Олимпия кенгашига янги раҳбар сайланди (+фоторепортаж)
- Ўзбекистон армияси Марказий Осиёда биринчи ўринда — дунё армиялари рейтинги эълон қилинди
- «Янги Ўзбекистон юлдузлари» миллий мукофоти халқаро даражага кўтарилмоқда
- АҚШ Адлия вазирлиги Эпштейн иши бўйича 3 миллионта файлни эълон қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг