Курашчиларга мўлжалланган спорт иншооти фойдаланишга топширилди
Истам ИБРОҲИМОВ/«Халқ сўзи». Эркин ва юнон-рум кураши борасида Бухородан кўплаб маҳоратли спортчилар етишиб чиққан. Улар анъанасини давом эттириш кўп жиҳатдан ёш курашчиларга яратилган шарт-шароитга боғлиқ.
Шу нуқтаи назардан Бухоро шаҳридаги 2-сон спорт мактаби ҳудудида замонавий спорт залининг қурилиб фойдаланишга топширилгани айни муддао бўлди. «Ташаббусли бюджет» дастури доирасида қад ростлаган иншоот қурилиши учун 1 миллиард 360 миллион сўм маблағ сарфланди.
— Бизда эркин ва юнон-рум кураши билан беш нафар мураббий қўл остида 280 нафар ўқувчи шуғулланмоқда, — дейди спорт мактаби директори ўринбосари Абдураҳим Мирзаев. — Янги спорт залининг қурилиб фойдаланишга топширилганидан ёшларимиз жуда мамнун. Негаки, ўзинг меҳр қўйган спорт тури билан замонавий шарт-шароитларда шуғулланишга нима етсин?
Айтиш жоизки, мазкур спорт мактабида тез орада маҳаллий бюджет маблағлари эвазига қурилган сунъий қопламали стадион ҳам фойдаланишга топширилади.
Тавсия этамиз
Кўп ўқилганлар
- Комилжонов Мухаммадсолиҳ Собиржон ўғлининг “Сaломaтлик лaндшaфтлaрини тaшкил этиш тaмойиллaрини ишлaб чиқиш” мавзусидаги (архитектура фанлари бўйича) фалсафа доктори (PhD) диссертациясининг ҳимояси эълони
- Украинада журналистларни олиб кетаётган автомобиль дронлар ҳужумига учради
- Россия янги урушга тайёргарлик кўрмоқда — Германия мудофаа вазири
- Теҳронда вазият жиддий: пойтахт аҳолиси эвакуация қилиниши мумкин
- Наманган – янгиланиш ва гўзаллик шаҳри
- Ўзбекистон ёки Миср. Қайси терма жамоа кучли?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг