Фото: Прократура департаменти

Хоразм, Сурхондарё ва Қашқадарё вилоятларида валюта қимматликларини ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Маълум қилинишича, департаментнинг Тупроққалъа туман бўлими томонидан тезкор тадбир ўтказилган. Тадбирда валюта айирбошлаш билан шуғулланиб келган Ж.А., Б.И., Д.Д. жами 4 минг долларни фуқаро Ш.А.дан 50,4 миллион сўмга сотиб олган вақтларида ашёвий далиллар билан ушланган.

Департаментнинг Денов туман бўлими томонидан ўтказилган тезкор тадбирда валюта айирбошлаш билан шуғулланиб келган Н.М. ва Н.Д. жами 3,3 минг долларни фуқаро А.А.га 41,9 миллион сўмга сотган вақтларида ашёвий далиллар билан қўлга олинган.

Миришкор туманида ўтказилган тезкор тадбирда эса валюта айирбошлаш билан шуғулланиб келган Н.Н. жами 2 950 долларни фуқаро Б.Т.га 37,4 миллион сўмга сотган вақтида ашёвий далиллар билан ушланган.

Департаментнинг Кўкдала туман бўлими томонидан ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Э.Б. жами 2,9 минг долларни фуқаро Р.А.дан 36,3 миллион сўмга сотиб олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.