Икки нафар болани машинасида уриб кетган ҳайдовчи 9 йилу 6 ойга қамалди
Жиззах вилоятининг Бахмал туманида опа-сингилнинг ўлимига сабабчи бўлган Cobalt ҳайдовчисига ҳукм ўқилди. Бу ҳақда ИИВ матбуот хизмати хабар қилди.
Аввалроқ, 2 нафар болаларни уриб, қочиб кетган ҳайдовчига жиноят иши қўзғатилгани ҳақида хабар қилинганди.
Маълум қилинишича, ҳолат 2024 йилнинг 18 ноябрь куни соат 19:30 атрофида Жиззах вилояти Бахмал туманида содир бўлган. 1991 йилда туғилган «Cobalt» машинаси ҳайдовчиси йўлнинг белгиланган қисмидан кесиб ўтаётган 2011 йилда туғилган И.М. ва унинг синглиси, 2020 йилда туғилган И.К.ларни уриб юбориб, болаларга ёрдам бериш ўрнига, воқеа жойидан жуфтакни ростлаган.
Ушбу ЙТҲ оқибатда опа-сингиллар турли оғир тан жароҳатлари олиб воқеа жойида вафот этган.
Мазкур ҳолат юзасидан иш Бахмал туман судида кўриб чиқилди. Суд ҳукмига кўра, ҳайдовчи 3 йил муддатга автотранспорт воситаларини бошқариш ҳуқуқидан маҳрум этилиб, унга нисбатан 9 йилу 6 ойга муддатга озодликдан маҳрум қилиш жазоси тайинланди. Бундан ташқари, жабрланувчининг фойдасига 145 миллион сўм маънавий ва моддий зарар тўланиши белгиланган.
Тавсия этамиз
Кўп ўқилганлар
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Самарқандда ЮНЕСКОнинг 43-сессиясига тайёргарлик авжида
- Марказий Осиё педагоглари Нукусда жам бўлди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг