Фото: FOTODOM

Гондурас ғарбидаги Роатан оролида самолёт қулаши оқибатида 12 киши ҳалок бўлди. Бу ҳақда Гондурас миллий полицияси маълум қилди.

«Роатан оролидаги авиаҳалокатда 12 киши ҳалок бўлди, беш киши тирик қолди», — дейилади хабарда. Манбага кўра, ҳозирда қутқарувчилар самолёт бортида бўлган яна бир одамни қидирмоқда.

Аввалроқ, “La Prensa” газетаси Ислас-де-ла-Бай департаменти губернатори Уго Варелага таяниб, бортида 15 йўловчи бўлган “Ланха” авиакомпанияси самолёти Гондурас ғарбидаги Роатан оролида жойлашган аэропортдан ҳавога кўтарилгандан сўнг дарҳол денгизга қулаганини хабар берганди. Самолёт Ла-Сейба шаҳрига учиб кетаётган бўлган.

Полициянинг маълум қилишича, самолёт механик носозлик туфайли ҳалокатга учраган. У учиш-қўниш йўлагидан бир километр узоқликда қулаган.

Авиаҳалокатда Американинг энг машҳур мусиқачиларидан бири Аурелио Мартинес ҳам ҳалок бўлган.

«Гондурасдаги Гарифуна мусиқасининг энг буюк ижрочиларидан бири Аурелио Мартинес Суазо бугун кечқурун Роатан оролида юз берган авиаҳалокат қурбонларидан бири бўлди», — дейди Роатан касалхонаси директори Рут Качо.