Германия канцлери Фридрих Мерц Мюнхендаги конгрессда нутқ сўзлаб, мамлакат чуқур модернизацияга муҳтожлигини эълон қилди. Бу ҳақида BILD нашри хабар берди.

Унда айтилишича, Канцлер нутқининг асосий қисми «Германияни нолдан янгилаш» тўғрисида бўлган. Шунингдек, у ташқи сиёсатга ҳам алоҳида урғу қаратган.

«Биз дунёда кечаётган жараёнларнинг тўлиқ оқибатларини кўп йиллардан кейин тушунамиз. Бу яхши муносабатларнинг пасайиши эмас, бу деярли тектоник силжиш», — деган Германия канцлери.

Фридрих Мерц, шунингдек, америкаликлар энди ўз манфаатларини жуда қатъият билан ҳимоя қилаётгани, Шунинг учун Германия энди ўз манфаатлари ҳимоя қилиши лозимлигини қатъий таъкидлаган.

Канцлер ўз нутқи давомида мамлакатнинг ривожланиш йўналиши ўзгаришини ваъда берган.

«Мафкура даври тугади. Биз нималарга қодир эканлигимизни кўрсатмоқдамиз. Биз бирор нарса ихтиро қилганлар Америкага бориши шарт эмаслигини, балки бу ерда ўзлари учун бирор нарсага эришишлари мумкинлигини таъминламоқдамиз. Менинг авлодимдаги одамларнинг оёқлари остида мустаҳкам замин бор. Мен бу меросни кейинги авлодга ўтказа олишимизга қатъий ишонаман», — дея хулоса қилган Германия канцлери Фридрих Мерц.