Фото: DPA

Ғазо секторида Исроил томонидан бошланган ҳарбий амалиётнинг уч ой давомида ҳар соатда 11 киши ҳалок бўлди ва ҳозиргача Фаластин аҳолисининг 1 фоизи ўлдириб бўлинган. Бу ҳақда БМТдаги Фаластин бўйича доимий кузатувчи Риёд Мансур БМТ Бош Ассамблеясининг мажлиси айтиб ўтди.

“Ўтган 90 кун ичида ҳар соатда 11 фаластинлик, жумладан, 7 аёл ва болалар — 90 кун давомида ҳар соатда ўлдирилди. Шу кунгача ҳар куни юзлаб одамлар ҳалок бўлди. Ғазодаги бутун Фаластин аҳолисининг 1 фоизи ҳалок ўлдирилди”, — дейди Мансур.

“Тасаввур қилинга, бу сизнинг аҳолингизга нисбатан қанча бўлишини. Бу 3 миллион америкаликка тенг”, — дея таъкидлади у.

Унинг сўзларига кўра, Ғазо секторидаги фаластинликларнинг 3 фоизи яраланган, бу 10 миллион америкаликка тенг.

Мансур таъкидлаганидек, анклавдаги фаластинликларнинг 87 фоизи уйларини тарк этган. “Бу 284 миллион америкаликка тенг”, — дея таъкидлади дипломат.

БМТ Бош котиби Антониу Гутерриш БМТ Хавфсизлик Кенгашидаги маърузасида Ғазо секторида зудлик билан ўт очишни тўхтатишга чақирганди.

Гутерриш, айниқса, Ғазо шимолида тинч аҳолининг ўлимига, шунингдек, Исроил зарбалари натижасида юзага келган вайронагарчилик кўламига эътибор қаратиб, “Можарога барҳам бериш керак”, деди.

Маърузага кўра, Исроил армиясининг аҳоли зич жойлашган ҳудудларда узоқ масофага мўлжалланган портловчи қуролларини қўллаши натижасида ҳозирда Ғазо секторидаги уйларнинг 60 фоиздан ортиғи вайрон бўлган ёки уларга зарар етган.

АҚШ давлат котиби Энтони Блинкен эса Исроилга берилган Америка қуролларидан инсонпарварлик ва уруш қонунларига мувофиқ қандай фойдаланаётганини кўриш Вашингтон учун муҳим эканини таъкидлаб, яҳудий давлатини шунга мувофиқ ҳаракат қилишга чақирди.

“Биз кўрсатадиган ҳар қандай ҳарбий ёрдам талабларга бўйсунади, шу жумладан бу қуроллар халқаро гуманитар ҳуқуқ ва уруш қонунларига мувофиқ қўлланилиши керак”, деди Блинкен.