Фарғонада 6,1 млрд сўмлик газ ўғирлаган «дом» фош қилинди
Фарғона шаҳрида табиий газдан ноқонуний фойдаланган кўп қаватли уй аниқланди. Бу ҳақида Энергетика вазирлиги хабар берди.
Унда айтилишича, «Ўзенергоинспекция» Фарғона вилояти ҳудудий бошқармаси ва газ таъминоти корхонаси ҳамкорлигида назорат тадбири ўтказилган.
Назорат тадбири давомида Фарғона шаҳрида жойлашган «Б.Ҳ.Б.» МЧЖга қарашли кўп қаватли уй лойиҳа ҳужжатларисиз тармоққа тўғридан тўғри уланиб, табиий газдан ноқонуний фойдаланиб келаётганлиги фош қилинган.
Мазкур қонунбузилиш ҳолати оқибатида, газ таъминоти корхонасининг дастлабки ҳисоб-китобларига кўра, 6 миллиард 107 миллион сўмлик зарар етказилгани аниқланган.
Ҳозирда ушбу ҳолат юзасидан ҳуқуқни муҳофаза қилувчи органлар томонидан терговга қадар текширув ишлари олиб борилмоқда.
Тавсия этамиз
Кўп ўқилганлар
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Алишер Навоий – илм ва маъно эҳтиёжи манбаи
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг