Тошкент вилояти Чирчиқ шаҳрида жойлашган "Uztex Group" корхонасида тадбиркорлар билан учрашув бўлиб ўтди.

“Божхона ҳудудида қайта ишлаш” божхона режимининг афзалликлари ва қулайликлар мавзусига бағишланган учрашувда вилоят божхона ходимлари ҳамда тадбиркорлар иштирок этди.

Учрашувнинг асосий мақсади — "Божхона ҳудудида қайта ишлаш" божхона режимига расмийлаштириш тартиби бўйича Ўзбекистон Республикаси Президентининг тегишли Фармони билан хориждан импорт қилинадиган хомашё ва материалларни қайта ишлаш истагида бўлган тадбиркорлик субъектлари ушбу божхона режимидан фойдаланилганда, божхона тўловлари ундирилмаслиги ва иқтисодий сиёсат чоралари қўлланилмаслиги каби афзалликлари билан кенг имкониятлар билан таништиришдан иборат.

Мулоқотда иштирокчиларга мамлакатимиз қайта ишлаш корхоналарини хомашё билан мунтазам таъминлаш, ишланган маҳсулотларини экспорт географиясини кенгайтириш ҳамда ҳажмини кўпайтириш ва турларини кенгайтириш учун қабул қилинган Фармон билан берилаётган имтиёзлар тушунтирилди.

Таъкидланганидек, Чирчиқ шаҳрида фаолият юритаётган ўндан ортиқ ТИФ қатнашчиларига Президентимиз қарорлари асосида яратилган “божхона ҳудудида қайта ишлаш” божхона режимидан фойдаланган ҳолда жорий йилнинг бугунги кунга қадар 11300,0 тн қиймати 4,6 млн. АҚШ долларига тенг товарлар қайта ишланиб, реэкспорт божхона режимига расмийлаштирилди.

Учрашувдан сўнг, тадбиркорлар билан мулоқот Чирчиқ шаҳрида жойлашган ишлаб чиқариш корхоналарда давом этди.

Айтиш керакки, Чирчиқ шаҳридаги "INTERMAX PETROLEUM” МЧЖ корхонамиз томонидан Россия, Туркия давлатларидан олиб келинган технологиялар асосида нефт махсулотларини қайта ишлаш божхона режимидан фойдаланган ҳолда Афғонистон, Тожикистон Республикаларига 2800,0 тн қиймати 1,95 млн. АҚШ долларига тенг қайта ишланган нефт маҳсулотларини реэкспорт божхона режимига расмийлаштирилди.

ООО "SULTANA LYUKS BIZNES" корхонаси аёллар ва эркаклар учун шим ишлаб чиқаришга иҳтисослаштирилган бўлиб, корхона жорий йил 6 ой давомида ушбу кийим-кечак тури эскпорти кўрсаткичи 47 минг АҚШ долларни ташкил этган.

Тадбир доирасида ўтказилган хомашёни қайта ишлаш буйича учрашувда жорий йил август ойида давлатимиз раҳбарининг тадбиркорлар билан очиқ мулоқотидан келиб чиқадиган устувор вазифалар ҳам муҳокама қилинди.