Ўзбекистон Республикаси Ички ишлар вазирининг биринчи ўринбосари полковник Ш.Н.Раҳмонов томонидан 2023 йил 29 май куни тасдиқланган режа-топшириққа асосан, Вазирлик Махсус операцияларни мувофиқлаштириш бошқармасининг ҳудудий Тезкор вазифаларни бажарувчи сафарбар отрядлари ва Портлаш хавфи бўлган предметларни зарарсизлантириш бўйича Махсус отрядларининг хизмат фаолияти, хизмат ва жанговар тайёргарлик даражаси, ижрочилик интизоми, жамоадаги маънавий-руҳий муҳит, шунингдек, ходимлар учун яратилган шарт-шароитлар аҳволи ўрганилиб, амалий ёрдамлар кўрсатиб келинмоқда.

Вазирлик Махсус операцияларни мувофиқлаштириш бошқармаси раҳбарияти ҳудудий ИИБларнинг Маънавий-маърифий ишлар ва кадрлар билан таъминлаш хизмати бошлиқлари билан ҳамкорликда Самарқанд, Сурхондарё ва Қашқадарё вилоятлари ИИБлари махсус бўлинмаларида навбатдаги ўрганишларни амалга ошириб, шахсий таркиб билан давра суҳбатларини ўтказдилар.

Ўрганиш натижалари бўйича келгусида шахсий таркибнинг жанговар, жисмоний, психологик касбий ва профессионал тайёргарлигини янада юқори даражага олиб чиқиш, хизмат интизоми бузилишига йўл қўймаслик, “ходимбай” амалга оширилаётган ишлар бўйича натижадорликка эришиш бўйича тавсиялар берилди.

Суҳбат якунида шахсий таркибдан аноним сўровномалар олинди.