Hududlarda vaksina saqlash omborlarining bugungi kundagi holatlariga alohida eʼtibor qaratib kelinmoqda.

Angren shahar hokimligining Angren shahar Sanitariya-epidemiologik osoyishtalik va jamoat salomatligi xizmati boʻlimida vaksina saqlash omborini qayta rekonstruksiya qilish va ushbu taʼmirlash-qurish ishlariga mahalliy byudjetdan mablagʻ ajratish boʻyicha bergan taklifi maʼqullangan edi.

Sanitariya-epidemiologik osoyishtalik va jamoat salomatligi xizmati xabariga koʻra, qisqa muddatda qayta qurib foydalanish uchun topshirilgan, barcha sharoitlarga ega vaksina ombori oʻz faoliyatini boshladi.

Vaksina saqlash ombori quyidagilardan:

— vaksinalarni belgilangan standart talablari asosida saqlash uchun 5 ta sovutkich va 2 ta muzlatkichdan iborat vaksina saqlash ombori;

— qoʻshimcha immunizatsiya vositalarini saqlash uchun maxsus xona;

— vaksina va immunizatsiya vositalarini oʻramlash xonasi;

— vaksina omborxona mudiri xonasidan iborat.

Vaksina ombori, birinchi navbatda, bolalar salomatligini yaxshilash va immunizatsiya xizmatlarini takomillashtirishga katta hissa qoʻshadi.