Illyustrativ foto

Toshkent shahri Sergeli tumanidagi Qumariq koʻchasining bir qismi 10−30-sentyabr kunlari avtomobillar harakati uchun yopiladi. Bu haqda “Veolia Energy Tashkent” matbuot xizmati xabar berdi.

Maʼlum qilinishicha, 2025–2026-yilgi kuz-qish mavsumiga tayyorgarlik doirasida poytaxtning Sergeli tumani Qumariq koʻchasida diametri 325 mm boʻlgan issiqlik tarmoqlarining umumiy 1000 metr uzunlikdagi qismi almashtiriladi.

Pudrat tashkiloti tomonidan amalga oshirilayotgan ishlar davomida kargo xizmatlari, Aviatsiya xavfsizligi xizmati, Aeroport xodimlari, avariya-qutqaruv xizmatlari va yaqin atrofdagi uylarning aholisi uchun kirish va oʻtish imkoniyati taʼminlanadi.

Shu munosabat bilan quyidagi avtobus yoʻnalishlari harakati oʻzgartiriladi:

61-yoʻnalish – A.S. Banokatiy, G. Aliyev, Temiryoʻlchilar, Kichik halqa yoʻli, Bobur koʻchalari orqali;

106-yoʻnalish – Sarikoʻl, Kichik halqa yoʻli, Bobur koʻchalari orqali;

40-yoʻnalish – Bobur, Kichik halqa yoʻli, Turkiston koʻchalari, Toshkent vokzali, Temiryoʻlchilar, A.S. Banokatiy koʻchalari orqali “RET” zavodi bekatigacha;

66-yoʻnalish – Qumariq, Bobur, Kichik halqa yoʻli, Turkiston koʻchalari, Toshkent vokzali, Mehrjon, 8-Mart, Eski Sarikoʻl, Yangi Zamon, Sarikoʻl, A.S. Banokatiy koʻchalari orqali “RET” zavodi bekatigacha;

52-yoʻnalish – Lokomotiv koʻchasi bekati va Toshkent vokzali oraligʻida.