Toshkentda mast erkak devordan tanishining mashinasi ustiga sakrab, uni haydab ketdi
Foto: Illustrativ surat
Ijtimoiy tarmoqlarda nomaʼlum shaxs avtoturargohdagi avtomashinaga devordan sakrab tushib, uni boshqargani aks etgan video tarqaldi. Hodisa keng muhokamalarga sabab boʻldi.
Maʼlum boʻlishicha, voqea 9-avgust kuni soat 08:00 larda Bektemir tumanidagi savdo majmualaridan birida sodir boʻlgan. 1991-yilda tugʻilgan B.K. mast holda tanishi — 1996-yilda tugʻilgan N.B.ga tegishli “Vaz-2108” avtomashinasi ustiga avtoturargoh devoridan sakrab tushib, tom qismiga shikast yetkazgan.
Shundan soʻng u avtomashinani avtoturargoh hududida haydab yurgan. Aniqlanishicha, B.K. mast holatda boʻlgani sababli savdo majmuasiga kiritilmagan. Tezkor chora-tadbirlar natijasida u ushlangan.
Mazkur holat yuzasidan B.K.ga Oʻzbekiston Respublikasi Maʼmuriy javobgarlik toʻgʻrisidagi kodeksning 200-moddasi (“Oʻzboshimchalik”), 183-moddasi (“Mayda bezorilik”) va 194-moddasi (“Ichki ishlar organlari xodimining qonuniy talablarini bajarmaslik”) boʻyicha bayonnoma rasmiylashtirilgan.
Tavsiya etamiz
Ko‘p o‘qilganlar
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
- 16-yanvar kuni baʼzi joylarda qor yogʻadi
- Koʻrfaz arab davlatlari bozoriga bojsiz kirish imkoni yaratiladi
- Dunyo boʻylab qon va koʻzyosh bilan oʻtgan bir hafta — 20 ta suratda
- “Analog turmush tarzi”. Insonlarda sunʼiy intellektga qarshi kayfiyat kuchaymoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring