Foto: Bojxona qoʻmitasi

Toshkent shahri Yangihayot tumanida noqonuniy muomaladan musodara qilingan 2 tonna 158,4 kg dan ziyod giyohvandlik vositalari yoqish yoʻli bilan yoʻq qilindi. Bu haqda Oʻzbekiston Bojxona qoʻmitasi xabar berdi.

Maʼlum qilinishicha, “26-iyun — Xalqaro giyohvandlik vositalarini suiisteʼmoli va noqonuniy aylanishiga qarshi kurashish” kuni munosabati bilan tashkil qilingan tadbirda quyidagi tarkibdagi giyohvandlik vositalari yoqib yuborilgan:

• 37,5 kg geroin;

• 184,6 kg opiy;

• 413,8 kg gashish;

• 28,58 gr koʻknor boshogʻi;

• 95,9 kg koʻknor somoni;

• 11,2 kg koʻknor oʻsimligi koʻsaklari;

• 424,7 kg marixuana;

• 961,3 kg kannabis;

• 18,73 gr kannabis moyi;

• 347,85 gr tetragidrokannabinol;

• 6,48 gr kokain hamda turli xildagi psixotrop va psixofaol moddalar, sintetik giyohvandlik vositalari.

Qoʻshimcha qilinishicha, Bojxona organlari tomonidan boshqa huquqni muhofaza qiluvchi organlar bilan hamkorlikda 2023-yilda amalga oshirilgan tadbirlar natijasida aniqlangan jami 785 ta holatda 9 tonna 179,4 kg giyohvandlik vositalari, 17 772 dona psixotrop moddalar, 827,3 gr prekursorlar hamda 197 594 dona va 109 kg 170,353 gr kuchli taʼsir qiluvchi moddalar musodara qilingan.