Toshkent viloyatida noqonuniy narkolaboratoriya fosh etildi
Bojxona qoʻmitasi hamda tegishli huquqni muhofaza qiluvchi organlar xodimlari ishtirokida Toshkent shahar Yunusobod tumanida tezkor tadbir oʻtkazildi.
Tadbir davomida mazkur tumanda istiqomat qiluvchi fuqaro 1 dona qogʻoz quti ichidagi, Markaziy bojxona laboratoriyasi sud ekspertiza xulosalarida umumiy ogʻirligi 886,426 gramm etib koʻrsatilgan marixuana giyohvandlik moddalari boʻlgan kuryerlik joʻnatmasini qabul qilib olgan vaqtida tezkor xodimlar tomonidan qoʻlga olindi.
Ushbu fuqaroning Toshkent viloyati Boʻstonliq tumanidagi dala hovlisi koʻzdan kechirilganida marixuana yetishtirish uchun moʻljallangan laboratoriya tashkil qilgani fosh boʻldi. Dala hovlidan jami 200 tup marixuana oʻsimligi hamda taxminan 5 kg ogʻirlikdagi quritilgan marixuana kukunlari topilib, ashyoviy dalil sifatida vaqtincha saqlovga oʻtkazilgan.
Hozirda mazkur holat yuzasidan tergovga qadar tekshiruv harakatlari olib borilmoqda.
Tavsiya etamiz
Ko‘p o‘qilganlar
- AQSH Adliya vazirligi Epshteyn ishi boʻyicha 3 millionta faylni eʼlon qildi
- Tramp Kubadan kelayotgan tahdid sabab AQSHda favqulodda holat eʼlon qildi
- Buyuk shoirning Samarqanddagi tabarruk izlari
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
- Urush, jasorat va sport: hafta davomida dunyo eʼtiborini tortgan 10 ta surat
- “Humans” Oʻzbekistondan yuzlab million dollar zararni qoplashni talab qilmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring