Toshkent shahrida “prava” olib berishni vaʼda qilgan PPX inspektori ushlandi
Toshkent shahrida haydovchilik guvohnomasini olib berish evaziga 1 ming 500 dollar talab qilgan inspektor ushlandi. Bu haqida “Xavfsizlik” Telegram-kanali xabar berdi.
Xabarda aytilishicha, Toshkent shahar IIBB Jamoat tartibini saqlash boshqarmasining Patrul-post xizmati inspektori xizmat mavqeyini suiisteʼmol qilgan holda oʻzganing ishonchiga kirib, uning Navoiy viloyatida yashovchi, 1995-y.t. tanishini davlat imtihonidan muvaffaqiyatli oʻtkazib, unga haydovchilik guvohnomasini olib berishini aytgan.
DXX Toshkent shahar boʻyicha boshqarmasi va Bosh prokuratura huzuridagi Departament xodimlari hamkorligida Yunusobod tumanida oʻtkazilgan tezkor tadbirda inspektor 1 ming 500 AQSH dollari va kirish imtihoni uchun toʻlanishi lozim boʻlgan 1 million 900 ming soʻm pul mablagʻlarini olgan vaqtida ashyoviy dalillar bilan qoʻlga olingan.
“Holat yuzasidan unga nisbatan Jinoyat Kodeksining 168 va 211-moddalari bilan jinoyat ishi qoʻzgʻatilib, qamoq ehtiyot chorasi qoʻllanilib, hozirda tergov harakatlari olib borilmoqda”, — deyiladi xabarda.
Tavsiya etamiz
Ko‘p o‘qilganlar
- Komiljonov Muxammadsolih Sobirjon oʻgʻlining “Salomatlik landshaftlarini tashkil etish tamoyillarini ishlab chiqish” mavzusidagi (arxitektura fanlari boʻyicha) falsafa doktori (PhD) dissertatsiyasining himoyasi eʼloni
- «Yevroosiyo Banki» Aksiyadorlik jamiyatining tugatish komissiyasi xabari
- Doʻstlik va hamkorlikni kengaytirgan forum (+fotoreportaj)
- Namangan – yangilanish va goʻzallik shahri
- Oʻzbekiston yoki Misr. Qaysi terma jamoa kuchli?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring