Toshkent aeroportida 20 yoshli qizni fohishalik uchun Dubayga pullamoqchi boʻlgan shaxs ushlandi
Foto: Videodan kadr
Toshkent Xalqaro aeroportida 20 yoshli qiz odam savdosi qurboni boʻlishining oldi olindi. Bu haqda Toshkent viloyati IIBB matbuot xizmati xabar berdi.
Qayd etilishicha, oʻtkazilgan tezkor tadbirda Angren shahrida yashovchi yigit A.R. (2004-yilda tugʻilgan) oʻziga tanish boʻlgan 20 yoshli qiz S.T.ni aldab, katta daromad topishga ishontirgani aniqlangan.
A.R. qizni Toshkent Xalqaro aeroporti orqali Dubay shahriga fohishalik uchun joʻnatayotgan vaqtida daliliy ashyolar bilan ushlangan.
Maʼlum boʻlishicha, yigit qizni joʻnatayotgani uchun Dubay shahrida yashovchi ayoldan 2 ming dollar olgan. Hozirda ushlangan shaxsga nisbatan Jinoyat kodeksi 135-moddasi (Odam savdosi) bilan jinoyat ishi qoʻzgʻatilgan. Tergov harakatlari olib borilmoqda.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
- Rossiya NATOga hujum qilish uchun shay holatda — Bundesver generali
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring