Illyustrativ foto

Maktabgacha va maktab taʼlimi vaziri tomonidan Oʻzbekistonda “taʼlim darajasi yuqori boʻlmagan” maktablar roʻyxati tasdiqlandi.

Unga koʻra, 2025/2026-oʻquv yili uchun taʼlim darajasi yuqori boʻlmagan maktablar roʻyxatiga respublika boʻyicha 470 ta maktab kiritilgan. Bunday maktablarning eng koʻpi — 99 tasi Qashqadaryo viloyatida, eng kami esa — 5 ta Buxoro viloyatida joylashgan.

“Xalq taʼlimi info” portali maʼlumotlarida keltirilishicha, 2023-yilda shunday maktablar roʻyxatda 642 ta, 2024-yilda esa 545 tani tashkil etardi. Joriy yilda bu raqamlar 75 taga qisqargan. Taʼkidlanishicha, taʼlim sifati past boʻlgan maktablarga boshqa hududlardan jalb etilgan oʻqituvchilarga ustama toʻlanadi.

Shu kabi maktablar soni hududlar kesimida quyidagicha koʻrinish olgan:

• Qashqadaryo viloyati – 99 ta;
• Samarqand viloyatida — 86 ta;
• Surxondaryo viloyatida — 70 ta;
• Jizzax viloyatida — 36 ta;
• Namangan viloyatida — 34 ta;
• Sirdaryo viloyatida — 32 ta;
• Fargʻona viloyatida — 29 ta;
• Qoraqalpogʻistonda — 24 ta;
• Andijon viloyatida — 23 ta;
• Navoiy viloyatida — 16 ta;
• Xorazm viloyatida — 9 ta;
• Buxoro viloyatida — 5 ta.